RAK – Red Sand/Blue Sea
Etter at Rak slapp sitt album “Like A Bird” som eit 21 minutters langt spor, er ho klar for å gje ut låtane enkeltvis. “Red Sand/Blue Sea” er symbola på å vere halvt thai og halvt norsk. Her fortel Rak om oppveksta si, gjennom både tekst og eit massivt lydbilde. Release 10.juni.
Rak har vakse opp i den vesle bygda Eiksund. Både bygda og familien hennar har tilsynelatande forma henne, men så er det så mykje meir som også ligg bak – fars forhold til alkohol, kreft og død, ein familie på den andre sida av kloden det er vanskeleg å forholde seg til når ein ikkje kan språket, bygdeoppvekst og annleisheit har heller aldri vore ein god kombinasjon, der ho heile tida har streva for å framstå som ‘normal’.
Sjølv om Rak elskar bygda si, held ho no til i musikkmiljøet i Oslo. Ho har mange hattar innanfor musikk. Ho er frilans songar, og er blant anna fast korist i det anerkjende koret Oslo Gospel Choir, er låtskrivar og produsent for ulike artistar. Sindre Steig er blant artistane ho står bak som både låtskrivar og produsent, som har blitt lista fleire gongar på NRK P3 og P1. På denne kanalen kan du også høyre stemma hennar på fleire av jinglana. No står hennar personlege låtar for tur.
Siste låt ferdig er fyrste låt ut
“Red Sand/Blue Sea” er fyrste single ut i minialbummet “Like A Bird”.
- Sjølv om dette er fyrste låta som blir slept, var dette den siste låta som blei skriven. Eg kjende at det var ein siste låt som mangla til å fylle den raude tråden i albumet. Derfor var det også veldig lett å skrive den. Den blei ferdig på to timar ein sein vinterkveld, før eg skulle i studio og produsere den med Kristian Sæland.
Rak går djupare inn og kjem til å forklare kvar låt frå “Like A Bird”, dette handlar Red Sand/Blue Sea om:
- Å kjenne på at ein ikkje tilhøyrer nokon stad, men likevel føler seg heime både i Thailand og i Noreg. Ein får ein trang til å kjempe for å vere ‘normal’ i den staden ein befinn seg i, og slit med å finne stoltheit i den historia ein har. Denne låta er mitt oppgjer mot dette, ein klem til meg sjølv, og eit løfte om at eg ikkje lenger skal skjule kvar eg kjem frå.
Instagram: https://www.instagram.com/thisisrak/
TikTok: https://www.tiktok.com/@thisisactuallyrak
Spotify: https://open.spotify.com/artist/22yJ7EtPkdi1dwv7qjoz6j?si=s8ipKRJ3R8utIb8GHE8CHA